24.09.2024

Bugun Tuproqqal'a tumanida "to‘qsonbosti" ekinlarini ekish bo‘yicha amaliy seminar o‘tkazildi. Unda tuman hokimi Akmal Jimalyazov, sektor rahbarlari, bog‘dorchilik fermer xo‘jaliklari, qishloq xo‘jaligi korxonalari vakillari, hokim yordamchilari, mahalla raislari va tomorqa yer egalari ishtirok etdi. To‘qsonbosti uslubida ekilgan sabzavot ekinlari urug‘lari erta ko‘klamda yerdan juda barvaqt unib chiqib, tez rivojlanishi hisobiga erta hosil beradi. Shuningdek, seminar davomida bu yilgi qulay ob–havo sharoitida kech kuzgi dehqonchilik ishlarini bajarish har tomonlama manfaatli ekanligi taʼkidlandi. Har qarich yerdan xususan, bog‘ qator oralari, dala chetlari va bo‘sh yer maydonlaridan samarali foydalanish va xaridorgir mahsulotlar yetishtirish bo‘yicha zaruriy tavsiyalar berildi. @tuproqqala_uz Tuproqqal'a hokimligi axborot xizmati