02.08.2024

Tuproqqal'a tumani Obod mahallasining 10,4 gektar hududida joylashgan mazkur massivda jami 1040 ta xonadonga ega 51 ta ko'p qavatli turar-joylarni bunyod etish belgilangan bo'lib, bugungi kunda 270 ta xonadonga ega 16 ta ko'p qavatli turar-joylar, shuningdek, oilaviy shifokorlik punkti hamda 360 o'rinli maktabgacha ta'lim tashkiloti foydalanishga topshirilgan. Yaqin kunlarda yana 80 ta xonadonli 4 ta ko'p qavatli turar-joylar foydalanishga topshirilishi kutilmoqda. Bugun Xorazm viloyati prokurori M.Ahmedov qurilish ishlarning borishini ko'zdan kechirish maqsadida massivda bo'lib, quruvchi tashkilot rahbarlari bilan muloqot qildi. Uchrashuv davomida bunyodkorlarni qiynab kelayotgan muammo va takliflar tinglandi hamda vakolat doirasida hal etilishi bildirildi. @tuproqqala_uz Tuproqqal'a hokimligi axborot xizmati