04.09.2024

Tuproqqal'a tumanida 2025-yil hosili uchun fermer xo‘jaliklariga ajratilgan yer maydonlarida g‘alla ekish va g‘o‘za defoliatsiyasini o‘z muddatlarida sifatli tashkil qilish maqsadida tumandagi “Araz Muhammad” fermer xo‘jaligaga qarashli maydonda ko‘rgazmali seminar tashkil qilindi. Seminarda tuman hokimi Akmal Jimalyazov, sektor rahbarlari, fermer va mutasaddi tashkilot rahbarlari ishtirok etdi. Seminarda tuman hokimi va sohada ko‘p yillik tajribaga ega mutaxassislar tomonidan tumanda 2025-yil hosili uchun boshoqli don ekinlarini ekishga tayyorgarlik ko‘rish, g‘allani navlar bo‘yicha joylashtirish, don ekish agregatlarini ta’mirlash hamda g‘alla ekish mavsumini uyushqoqlik bilan tizimli asosda tashkil etish bo‘yicha tavsiyalar berildi. Ma’lumot uchun: Tuproqqal'a tumanida 2025-yil hosili uchun 1500 gektar g‘o‘za qator oralarida kuzgi bug‘doy ekish rejalashtirilgan. @tuproqqala_uz Tuproqqal'a hokimligi axborot xizmati