06.10.2023

Bugun Tuproqqalʼa tumani hokimi Shuhrat Ahmedov joriy yilda umumtaʼlim maktablarini tamomlagan, biroq haligacha bandligi taʼminlanmagan yoshlar bilan muloqot qildi.

Muloqot davomida yoshlarning xohishlariga ko‘ra doimiy bandligini taʼminlash, o‘z-o‘zlarini bandlashga ko‘maklashish, shuningdek, oliy taʼlim muassasalarida o‘qishlarini davom ettirishlari uchun bepul tayyorlov kurslariga jalb etish yuzasidan aniq chora-tadbirlar belgilab olindi.

Uchrashuv yakunlariga ko‘ra, yoshlarning muammolarini hal qilishda sustkashlikka yo‘l qo‘ygan masʼullar faoliyati tanqid qilinib, o‘zlariga yuklatilgan vazifalarni to‘laqonli bajarishlari yuzasidan so‘ngi ogohlantirishlar berildi.