09.01.2023

Oʻzbekiston Respublikasi Prezidentining 2022 yil 6 iyundagi PQ-271-son qarori bilan maxsus iqtisodiy zonalarni tashqi muhandislik-kommunikatsiya tarmoqlari — gaz, elektr energiyasi va suv tarmoqlari bilan taʼminlash boʻyicha maqsadli chora-tadbirlar dasturiga asosan hamda Xorazm viloyatida joylashgan sanoat zonalarini elektr energiyasi sifatini yaxshilash maqsadida rejali ishlar amalga oshirilmoqda.

Xususan, Xorazm viloyati Tuproqqalʼa tumanida tashkil etilgan sanoat zonalarini uzluksiz va sifatli elektr energiyasi bilan taʼminlash uchun Tuproqqalʼa tumani “Muhabbat” mahallasida yangidan 110/35/10 kVali nimstansiyasini qurish ishlari davom etmoqda.

Nimstansiya toʻliq ishga tushirilishi natijasida tumandagi mavjud sanoat korxonalari elektr energiyasi yanada yaxshilanadi hamda hududdagi yangi tashkil etilayotgan sanoat korxonalari sifatli elektr energiyasi bilan taʼminlanadi.