20.12.2022

19-dekabr kuni soat 22:10da Tuproqqalʼa tumani “Muhabbat” MFY hududida joylashgan “Obod Poter” MCHJga qarashli qurilishda ishlatiladigan qora qog‘oz ishlab chiqarish sexi hududining taxminan 100 kv.m ochiq maydonida joylashgan qozonlardagi saqich (smola) eritish jarayonida yong‘in yuzaga kelgan. Hodisa joyiga yong‘in-qutqaruvchilar zudlik bilan yetib borib, yong‘in to‘liq bartaraf qilingan. Yong‘inning yuzaga kelish sababi hamda ko‘rilgan zarar aniqlanmoqda. Yong‘inga 4ta yong‘in-qutqaruv ekipajlari jalb qilinib, sexning 700 kv.m maydonda bino inshootlari yong‘indan saqlab qolingan. Mazkur sodir bo‘lgan yong‘in natijasida tan jarohati olganlar va halok bo‘lganlar yo‘q.

Shu o‘rinda barchadan yong‘in xavfsizligi qoidalariga qatʼiy rioya qilishlarini so‘rab qolamiz! O‘zgina eʼtiborsizlik bu kabi yong‘inlarga sabab bo‘lishi mumkin (https://t.me/MATBUOT_FVB/9653).