07.08.2023

Tuproqqalʼa tumani Pastom mahallasidagi “Tuproqqalʼa tekstil” MCHJga qarashli maydonda 2024-yil hosili uchun g‘alla ekishni tizimli tashkil etish yuzasidan ko‘rgazmali seminar bo‘lib o‘tdi.

O‘tkazilgan seminarda tuman hokimi Shuhrat Ahmedov, sektor rahbarlari, soha mutaxassislari, hudud rahbarlari va fermer xo‘jaligi rahbarlari ishtirok etdi.

Seminar ishtirokchilarga don ekinlarini belgilangan muddatlarda ekish uchun yerni tayyorlash, yaxlit konturlarni tanlash, mavsumda zarur bo‘ladigan moddiy-texnika resurslarini o‘z vaqtida va to‘liq yetkazib berish borasida tushuntirib o‘tdilar.

Tumanda 2024-yil hosili uchun 7 ta hududda jami 78 ta fermer xo‘jaliklari hamda 1 ta paxta-to‘qimachilik klasteri tomonidan 1500 gektar maydonga g‘alla ekish rejalashtirilgan.

Seminardan so‘ng dehqonchilikka qut-baraka, mo‘l hosil so‘rab yaxshi niyat va duolar ostida ekin maydonlarga g‘alla ekish ishlariga kirishildi.