02.08.2023

O‘zbekiston Respublikasi Oliy sudi sudyasi E.Turg’unboyev boshchiligida Tuproqqal’a tumani hokimligi majlislar zalida “qizil” toifaga kiritilgan yoshlar hamda faol yoshlar ishtirokida targ‘ibot tadbiri tashkil qilindi.

Tadbirda sektor rahbarlari va mutasaddi tashkilotlar mas’ul xodimlari ishtirok qildilar.

Ma’ruzachilar yoshlar o‘rtasida jinoyatchilik, huquqbuzarliklar sodir qilinishini oldini olish yuzasidan hududda amalga oshirilayotgan ishlarga to‘xtalib o‘tishdi.

Uchrashuvda jinoyatchilik va huquqbuzarliklarning oldini olish yuzasidan yoshlarning takliflari eshitildi, shuningdek mavjud muammolar muhokama qilinib, zarur chora-tadbirlar belgilab olindi.

Respublika ishchi guruhi tomonidan shu kuning o‘zida tumandagi Muhabbat mahallasida aholi, xususan yoshlar ishtirokida targ‘ibot tadbirlari tashkil qilinib, mahalla fuqarolari o‘rtasida jinoyatchilik, huquqbuzarliklar sodir qilinishini oldini olish yuzasidan fikrlar muhokama qilindi.