24.07.2023

Xorazm viloyati maktabgacha va maktab ta’limi boshqarmasi boshlig‘i Xamro Bektemirov Hazorasp tumanidagi ta’lim muassasalarini ko‘zdan kechirgach Tuproqqal’a tumaniga yo‘l oldi. Tumandagi 2-sonli umumiy o‘rta ta’lim maktabi bilan 7-sonli DMTTlarida bo‘lib, muassasalarda o‘quvchi va tarbiyalanuvchilar uchun yaratilgan sharoitlar, obodonlashtirish ishlari hamda kuz-qish mavsumiga tayyorgarlik holati bilan yaqindan tanishdi. 

Shundan so‘ng, tumandagi barcha maktab va maktabgacha ta’lim tashkilotlari direktorlari ishtirokida seminar bo‘lib o‘tdi.

Tadbir davomida boshqarma boshlig‘i tomonidan o‘rganilgan ta’lim muassasalaridagi aniqlangan kamchiliklar keltirilib, ularni bartaraf etish choralari muhokama qilindi.

Yuqoridagi ta’lim muassasalari misolida amalga oshirilishi lozim bo‘lgan galdagi vazifalar belgilanib olindi.