08.08.2023

Dunyo resurslari instituti (Vorld Resourse Institute) tomonidan eʼlon qilingan suv tanqisligidan aziyat chekuvchi davlatlar reytingidagi 164 ta mamlakat orasidan O‘zbekiston 25-o‘rinni egalladi. Tadqiqotlarga ko‘ra O‘zbekiston yuqori suv tanqisligi mavjud 27 davlatdan iborat guruhga kiritilgan.

Suvdan oqilona va samaralii foydalanish, shuningdek, suv tejovchi texnologiyalarni keng joriy qilish hamda aholiga suvdan samarali foydalanishni targ‘ib qilish maqsadida muhtaram Prezidentimiz tashabbusi bilan "Suvchilar maktabi" tashkil qilingan edi.

Bugun maktabning mahalliy va xorijiy mutaxassislaridan iborat ishchi guruhi tumanga tashrif buyurib, soha mutaxassislari, fermerlar va keng jamoatchilik ishtirokida o‘quv seminar bo‘lib o‘tdi.

Seminar ishtirokchilariga suv resurslaridan foydalanishdagi xorijiy tajribalar va texnologiyalar yuzasidan tushuntirishlar berildi.