14.02.2023

SHOH VA SHOIR BOBUR TAVALLUDINING 540 YILLIGI KENG NISHONLANDI.

Respublika Maʼnaviyat va maʼrifat markazi Tuproqqalʼa tuman bo‘linmasi hamda 6-son bolalar musiqa va sanʼat maktabi hamkorligida buyuk sarkarda, davlat arbobi va ulug‘ shoir Zahiriddin Muhammad Bobur tavalludining 540 yilligi munosabati bilan maʼnaviy-maʼrifiy tadbir o‘tkazildi.

Tadbirda tuman Ichki ishlar bo‘limi xodimlari, 14069-harbiy qism jamoasi, tuman Madaniyat va turizm bo‘limi xodimlari, tuman Xalq taʼlimi bo‘limi xodimlari va maktab jamoasi ishtirok etdi.

Shuningdek, tadbirda sheʼriyat ixlosmandlari, yosh ijodkorlar faol ishtirok etib, shoh va shoir Mirzo Boburning serqirra ijodiy faoliyati, sarkardalik mahorati xususida atroflicha fikr-mulohaza yuritdilar hamda mumtoz shoir g‘azallaridan namunalar o‘qishib, kuy-qo‘shiqlar kuyladilar.