25.02.2023

Tumanda asosiy 3 ta sport inshootlari mavjud bo‘lib, quvvati 500 kishilik sport maktabi, 1 200 sig‘imli markaziy o‘yingoh va chekka Hazorasp mahallasida quvvati 50 kishilik sport zaldan iborat.

Sport maktabi 2020 yilda to‘liq rekonstruksiya qilingan va 24x12 metr o‘lchamdagi suzish havzasi ishchi holatga keltirilgan.

Markaziy o‘yingoh 2021 yilda rekonstruksiya qilinishi natijasida o‘rindiqlar soni 1 200 taga oshirilib, sportchilar va muxlislar uchun barcha sharoitlar yaratilgan.

Chekka hududlarda ham sportni targ‘ib qilish, sportchilarga munosib sharoit yaratish maqsadida 2021 yilda Hazorasp mahallasi 13-son maktabi hududida sport zal taʼmirlanib, sport jihozlari bilan to‘liq taʼminlandi.

Bugungi kunda 50 ta guruhlarda 7 yoshdan 20 yoshgacha bo‘lgan 582 nafar yoshlarga 22 nafar murabbiylar tomonidan 15 ta sport turlaridan yaʼni 10 olimpiya, 3 ta noolimpiya va 2 ta milliy sport turlaridan mashg‘ulotlar o‘tkazilib kelinmoqda.

Tuproqqalʼa tumani yoshlari o‘z qobiliyatlari bilan bir qator turnirlarda faol ishtirok etib, yurtimiz sharafini munosib himoya qilib kelishmoqda.

Xususan, o‘tgan davr mobaynida sport yo‘nalishida xalqaro turnirlarda 1 ta oltin, 5 ta kumush hamda 10 ta bronza medallari qo‘lga kiritildi.

Respublika miqyosida o‘tgan musobaqalarda 94 ta, viloyat musobaqalarida 196 ta sovrinlar qo‘lga kiritildi.