24.02.2023

MAKTABGACHA TAʼLIM MUASSASALARI

2020-yil Tuproqqalʼa tumani tashkil etilganidan keyin tumanning Navbahor mahallasida joylashgan 7-son DMTT 5,9 mlrd. so‘m mablag‘ evaziga mukammal taʼmirlandi va 7 ta Oilaviy nodavlat maktabgacha taʼlim tashkiloti yangidan tashkil qilinib, 10 ta majburiy bir yillik guruhlar ochilishi evaziga maktabgacha taʼlim qamrov darajasi 2021-yil 1-yanvar holatiga 60 foizdan 65,5 foizga yetkazildi.

2021-yil davomida Tuproqqalʼa maskani mahallasida joylashgan 15-son DMTT 2,2 mlrd. so‘mga, Sarimoy mahallasida joylashgan 11-son DMTT 2,4 mlrd. so‘m mablag‘ evaziga mukammal taʼmirlandi. Bundan tashqari, tumanda jami 8 ta oilaviy maktabgacha taʼlim tashkilotlari tashkil qilindi hamda 12 ta majburiy bir yillik guruhlar tashkil qilinishi natijasida maktabgacha taʼlim yoshidagi bolalar qamrovi 2022-yil 1-yanvar holatiga 65,5 foizdan 87,9 foizga yetkazildi.

2022-yilda tumanning Sayapir mahallasida joylashgan 9-son DMTT 1,7 mlrd. so‘m mablag‘ evaziga mukammal taʼmirlanib, 5 ta oilaviy nodavlat maktabgacha taʼlim tashkilotlari tashkil qilindi hamda 3,6 mlrd so‘m evaziga 150 o‘rinli davlat-xususiy sherikchilik asosidagi maktabgacha taʼlim tashkiloti, shuningdek, 4 ta majburiy bir yillik guruhlar tashkil shakllantirilishi natijasida, maktabgacha taʼlim yoshidagi bolalar qamrovi 2023-yil 1-yanvar holatiga 87,9 foizdan 95,5 foizga yetkazildi.