22.02.2023

#SARHISOB | KOMMUNAL TIZIMLARNI YAXSHILASH

Aholi xonadonlarini toza ichimlik suvi bilan taʼminlash maqsadida 2020-2022-yillarda 380 km tarmoqlar va 3 ta suv rezervuari qurilib, 4 ta suv taqsimlash inshooti to‘liq rekonstruksiya qilindi.

Natijada, tuman aholisining toza ichimlik suvi bilan taʼminlanganlik darajasi 2020-yilgi 65 foizdan 94 foizga yetdi.

Isteʼmolchilarni uzliksiz elektr taʼminoti bilan taʼminlash uchun o‘tgan vaqt mobaynida 21 ta yangi transformator punktlari va 56,3 km uzunlikdagi tarmoq qurilgan. 45 ta transformator punkti va 126,9 km tarmoqlarda taʼmirlash ishlari bajarilib, 100 foiz isteʼmolchilar zamonaviy onlayn hisoblagichlarga o‘tkazilgan.

Tabiiy gazga bo‘lgan ehtiyojni muntazam qoplash maqsadida 2020-2022-yillarda yangidan 6 ta GRP va 10 km tarmoq qurilib, 30 km tarmoq va 150 dan ortiq GRPlar rekonstruksiya qilingan hamda barcha isteʼmolchilarga zamonaviy hisoblagichlar o‘rnatilishi hisobiga 100 foiz xonadonlar gazlashtirilgan.

2020-2022-yillarda tumanda 280 km optik tolali aloqa kabellari yotqizilib, splitter qurilmalari o‘rnatilishi natijasida, 1800 ta abonentga yuqori tezlikka ega bo‘lgan sifatli internet xizmati ko‘rsatishga erishilgan.