24.02.2023

Bugungi kunda tuman umumtaʼlim maktablarida 11 402 nafar o‘quvchilar tahsil olib kelmoqda.

2020-yilda umumtaʼlim maktablarini 772 nafar o‘quvchi yoshlar tamomlagan bo‘lib, ularning 156 nafari (20,2%) oliy taʼlim muassasalari, xususan 35 nafari nufuzli xorijiy oliy taʼlim muassasalari talabalari bo‘lgan.
2021-yilda bu ko‘rsatgich 24,4 foizga (776 nafar bitiruvchidan 189 nafari, 37 nafari xorijiy), 2022-yilda esa 29,6 foizga (724 nafar bitiruvchidan 214 nafari, 36 nafari xorijiy) yetgan.

Shuningdek, 2020-2022-yillar maktab bitiruvchilarining 459 nafari (20,2%) doimiy ish bilan bandlandi, 372 nafari (16,4%) o‘zini-o‘zi band qilgan va 135 nafari (6%) texnikum va kasb-hunar maktablari o‘quvchilari bo‘lishgan.

Tumandagi 3 ta maktab - informatika va axborot texnologiyalari, matematika hamda chet tillari fanlariga ixtisoslashtirildi.

O‘tgan 3 yil davomida tumanda mavjud 21 ta maktabdan 16 tasida qurilish-taʼmirlash ishlari amalga oshirildi.

Xususan, 320 o‘rinli 1 ta yangi maktab va 2 ta maktabda 620 o‘rinli qo‘shimcha bino qurildi, shuningdek, 13 ta maktabda taʼmirlash ishlari amalga oshirildi.

(https://telegra.ph/file/2bd4352d88572914608be.png)Natijada, umumtaʼlim maktablari quvvati 2020-yilgi 12 194 nafardan 13 114 nafarga (107,5 %) yetdi.