17.12.2023

Ijtimoiy tarmoqlarda Tuproqqalʼa tumanidagi “Ismoiljon Ibragimov” fermer xo‘jaligi rahbari M.Ibragimov 64,9 gektar yerga sholi ekib, oziq-ovqat xavfsizligi va zaxirasi doirasida 90,6 tonna sholi topshirish o‘rniga 20 tonna sholi topshirgani tanqid qilingan xabar tarqaldi.

Xabar yuzasidan Tuproqqal'a tumani hokimligi quyidagilarni ma'lum qiladi:

1. O'zbekiston Respublikasi Fuqarolik kodeksining 354-moddasiga asosan yuridik va jismoniy shaxslar shartnoma tuzishda erkindirlar. Ya'ni taraflar o'rtasida tuziladigan shartnomani tuzishga majburlashga yoki shartnomaviy munosabatlarga aralashishga hech kimning haqqi yo'q. Tayyorlovchi korxona "Sabina Noila - 2022" MCHJ va "Ismoiljon Ibragimov" f/x o'rtasida tuzilgan shartnomaga ko'ra nizoli masalalar kelb chiqqan taqdirda, tomonlar mustaqil ravishda yoki tuman hokimliklari huzuridagi tashkil etiladigan yengib bo'lmaydigan kuch holatlari (fors-major)ni tasdiqlash bo'yicha komissiya ishtirokida sudgacha yoki sud tartibida hal qilish belgilangan bo'lib, hokimlikka ushbu masala yuzasidan tomonlardan ariza kelib tushmagan.
2. "Ismoiljon Ibragimov" f/x rahbari Mavlon Ibragimovning tuman hokimligi tomonidan e'tirof etilishiga fermer xo'jaligi rahbarining joriy yilda qishloq xo'jaligi sohasidagi erishgan yutuqlari, aholi bandligini ta'minlash va daromadlarini oshirish yo'lidagi xizmatlari va mehnati asos qilib olingan.