10.08.2022

Тупроққалъа тумани, Питнак шаҳридаги "Мунис ал-Хоразмий" номидаги истирохат боғи қурилиш-таъмирлаш ишлари билан боғлиқ тарқалган ҳабар юзасидан

РАСМИЙ МУНОСАБАТ

Хоразм вилояти Тупроққалъа туманида 2022 йил 1 мавсумда ўтказилган “Ташаббусли бюджет” жараёнида туман марказидаги Ал-Хоразмий номидаги истирохат боғини таъмирлаш кўкаламзорлаштириш ахолимиз бўш вақтини мазмунли ўтказиш учун шароит яратиш таклифи жами 518 та овоз йиғиб 990.0 млн.сўмлик таклиф ғолиб деб топилган ҳамда Халқ депутаталри Тупроққалъа тумани Кенгашининг 2022 йил 13 апрелдаги VI-55-58-12-218-K/22-сонли қарорига асосан буюртмачи қилиб туман хокимлигига маблағ ажратилган.

“Қаландар хўжа” ОК томонидан смета-лойиха хужжатлари ишлаб чиқилиб, Ўзбекистон Республикаси Қурилиш вазирлиги “Шахарсозлик хужжатлари экспертизаси” ДК томонидан шу йилнинг 30 май куни 44520-сонли экспертиза хулосаси берилган.

Ал-Хоразмий номидаги истирохат боғини таъмирлаш учун пудратчи ташкилотини танлаш бўйича Ўзбекистон Республика товар-хом ашё биржасида энг яхши таклифларни танлаб олиш бўйича 2022 йил 14 июн куни 21 июнь кунигача 22110012106066-сонли лот (etender.uzex.uz/lot/106066) жойлаштирилган.

Лойиҳа бўйича 22 июнь куни танлов ўтказилган ва танловда “ALMERIN” МЧЖ, “ODAMBOY HAVOJON QURILISH” МЧЖ ва якка тартибдаги тадбиркор Аллаберганов Кахраман Бахрамович иштирок этишган.

Танловда “ALMERIN” МЧЖ томонидан хужжатларнинг тўлиқ тақдим қилганлиги, ландшаф-дизайнерлик соҳасидаги тажрибали мутахассислар мавжудлиги, лойиҳани амалга оширишга қисқа муддат сарфлашга берган кафолати, зарурий мехнат ресурсларига эгалиги, бошқа талабгорларга нисбатан ишончли суммани таклиф қилганлиги ҳамда бошқа устунликлари инобатга олиниб, “ALMERIN” МЧЖ энг яхши таклифни танлаб олиш бўйича комиссиянинг 2022 йил 22 июндаги баённомасига (баённома ЭРИ калит билан тасдиқланган) асосан лойиха ғолиби деб топилган.

Тупроққалъа тумани хокимлиги билан “Almerin” МЧЖ ўртасида 2022 йил 27 июнда 1-сонли 955,7 млн.сўмлик Ал-Хоразмий номидаги истирохат боғининг бир қисмини таъмирлаш ишлари учун шартнома имзоланган. Ушбу шартнома бўйича олдиндан 30 % (286,7 млн.сўм) маблағ ўтказиб берилган. 2022 йил 20 июлдаги 1-сонли бажарилган ишлар далолатномасига асосан 202,5 млн.сўм ва 8 августдаги 2-сонли бажарилган ишлар далолатномасига асосан 182,9 млн.сўм ёки жами 672,1 млн.сўм пудратчи ташкилотга ўтказиб берилган.