01.09.2024

Tuproqqal'a tumanidagi “Yangi O'zbekiston” massivida 1000 tadan ortiq xonadonga mo'ljallangan 46 ta ko'p qavatli  uy-joy qurilishi rejalashtirilgan. Bugungi kungacha massivda 400 xonadonga mo'ljallangan 18 ta ko'p qavatli uy, shuningdek, 360 o'rinli maktabgacha ta'lim tashkiloti hamda 50 ta o'rinli oilaviy shifokorlik punkti foydalanishga topshirildi. Tumandagi 152 ta xonadon sohiblari istiqlolning 33 yillik bayramini yangi uylarda nishonlash imkoniyatiga ega bo'ldilar. Bugun hududda yana 8 ta ko'p qavatli uy foydalanishga topshirildi. Shu munosabat bilan o'tkazilgan tadbirda viloyat hokimi Jo'rabek Raximov, nuroniylar, keng jamoatchilik vakillari ishtirok etdilar. Massivda yil yakunigacha yana 80 ta xonadonli 4 ta uy qurib bitkaziladi. @tuproqqala_uz Tuproqqal'a hokimligi axborot xizmati