O‘zbekiston Respublikasi Davlat bayrog‘i!

O‘zbekiston Respublikasi 1991-yil mustaqillikka erishgandan so‘ng, mamlakat hayoti tubdan o‘zgardi. “Erk”, “Ozodlik” tushunchalari har bir xalq ongida bashariyat bino bo‘lgandan beri turli hil ko‘rinishda aks etib kelmoqda.

O‘zbekiston tarixida ham bu tushunchalar necha bora o‘zgarganiga qaramay, bugalgi “Erk va ozodlik” batamom o‘zgacha suratda aks etdi. O‘zbek xalqi Mustaqillik sharofati bilan chin ma’noda hech kimga to’be bo‘lmagan, o‘z-o‘ziga bek bo‘lgan ozod mamlakatga aylandi. Ana shundan so‘ng davlatimiz birin-ketin islohotlarni boshlab yubordi. Davlat ramzlarini belgilash, qabul qilish muhimlaridan bo‘lib bu ishga chuqur yondashildi.

Bugungi ko‘rinishga ega bo‘lgan davlat ramzlari gerb, bayroq, madhiya, milliy valyuta kabi moddiy va ma’naviyliklarimiz, barcha o‘zbek xalqining g‘urur va iftixoriga aylandi. Jumladan O‘zbekiston Respublikasi bayrog‘i 1991-yil             18-noyabrda Oliy Kengashning VII sessiyasida qabul qilingan.

Bayrog‘imizdagi har bir elementga chuqur yondashilgan. Tarixiy manbalardan, ezgu timsollardan andoza olingan. Respublikamiz bayrog‘i bugungi kunda barcha davlat tashkilotlari peshtoqlarida, shahar mavzelarida hilpirab turar ekan, unga qarab haqiqiy erk hissini tuymaslikning iloji yo‘q. Bog‘chaga chiqqan bolajonning qayerdadir o‘z yurti bayrog‘ini ko‘rishi bilan quvonch to‘la ko‘zlarini katta ochib, barmog‘i bilan sizga ko‘rsatishi avvalo vatanga bo‘lgan muhabbat, qolaversa ramzlariga bo‘lgan xurmat va iftixordan darak beradi. Yangi O‘zbekistonning bugungi kunda bironta o‘g‘il-qizi yo‘q-ki o‘z sohalarida yuksak cho‘qqini zabt etib, yurt bayrog‘ini boshi uzra ko‘tarishni, uni o‘pib ko‘ziga surtishni hohlamasa.

Ozodlik va tinchlik ramzi iftixor va g‘urur timsoli, davlatimiz bayrog‘i musaffo osmonimiz uzra hilpirab turar ekan, xalqning osoyishtaligi va farovonligi bardavomdir.

 

Respublika Ma’naviyat va ma’rifat markazi

Tuproqqal’a tumani bo‘linmasi rahbari                                    Xushnud Sultonov


Тарқатиш: Email Facebook Google LinkedIn Twitter VK VK Noyabr 18, 2021 - Автор: Машарипов Фурқат