28.07.2023

Tuproqqalʼa tumanida Oila va xotin-qizlar qo‘mitasi hamda O‘zbekiston psixologlar assotsiyatsiyasi bilan hamkorlikda "Mahalla xotin-qizlar faollarining psixologik bilimlarini shakllantirish" mavzusida bir kunlik seminar o‘tkazildi.

Seminarni amaliyotchi psixolog Sevara Matyaqubova tumandagi 18 ta mahalla xotin-qizlar faollari uchun olib bordi.

Seminardan ko‘zlangan asosiy maqsad - mahalla xotin-qizlar faollarining psixologik bilimlarini shakllantirish, ularga fuqarolar bilan ishlashda nizoli vaziyatlarni oldini olish, bartaraf etish yo‘llarini o‘rgatish, nizoli, notinch oilalar bilan ishlash, ruhiy tushkunlikga tushgan shaxslarga ko‘maklashish, muloqot madaniyati, zo‘rlik ishlatishdan jabr ko‘rgan shaxslarga birinchi yordam ko‘rsatish hamda o‘z joniga qasd qilish, ajrimlarni oldini olish kabi maxsus ko‘nikmalar xosil qilishdir.

Xotin-qizlar faollari bugungi seminardan olgan bilim-ko‘nikmalarni o‘z ish faoliyatida tatbiq qilishlarini, o‘zlari uchun kerakli tavsiyalarni olganliklarini bildirishdi.

Seminar yakunlangandan so‘ng, barcha xotin-qizlar faollariga sertifikatlar topshirildi.