02.07.2023

Tuproqqalʼa tumanidagi Obod mahallasi hududida barpo etilayotgan Yangi O‘zbekiston massivi 20 gektar maydonni egallagan bo‘lib, bugungacha 280 xonadonli 12 ta ko‘p qavatli uylar qurib bitkazilgan edi. Bugun 3 ta yangi uyda joylashgan 60 ta xonadonlar kalitlari o‘z egalariga topshirildi. Tantanali tadbirda viloyat hokimi Jo‘rabek Raximov qatnashib, aholining uy-joy taʼminotini yaxshilash mamlakatimizda inson qadrini ulug‘lash borasida olib borilayotgan ezgu ishlarning yana bir amaliy ifodasi ekanini taʼkidladi.

Joriy yil yakunigacha ushbu massivda yana 140 oilaga mo‘ljallangan 7 ta ko‘p qavatli turar joylar qurib foydalanishga topshiriladi. Shuningdek, 360 o‘rinli maktabgacha taʼlim tashkiloti, 4 ta tadbirkorlik obyektlari va 50 o‘ringa mo‘ljallangan oilaviy poliklinika hudud aholisiga xizmat qiladi.