26.06.2023

Bugun "Al-Pitnak Botir" fermer xo‘jaligida g‘alladan bo‘shagan yer maydonlarida takroriy ekin ekishni tashkil qilish hamda ishsiz aholiga bo‘lib berish orqali ularning bandligini taʼminlash yuzasidan seminar bo‘lib o‘tdi.

Unda sektor rahbarlari, fermerlar, qishloq xo‘jaligi sohasi mutaxassislari va ishsiz yoshlar ishtirok etdilar.

Tuman hokimi Shuhrat Ahmedov oldinda turgan dolzarb vazifalari xususida to‘xtalib, g‘alladan bo‘shagan maydonlarni shudgorlash, takroriy ekinlarni joylashtirish hamda ekish ishlarini tizimli va uyushqoqlik bilan tashkil etish bo‘yicha kerakli tavsiyalarni berdi.

Shuningdek, tadbir davomida ishsiz yoshlarga 40 sotixdan ekin yer maydonlari bo‘lib berildi. Kam taʼminlangan va ehtiyojmand oilalarga 200 kilogrammdan bepul bug‘doy va 20 donadan somon bog‘lamlari tarqatildi.