17.04.2023

Bugun O‘zbekiston Respublikasi Davlat xavfsizlik xizmati qoshidagi Ashula va raqs ansambli tomonidan Tuproqqalʼa tumanida “Vatan uchun xizmat qilish” shiori ostida yoshlar va harbiy xizmatchilarining madaniy dam olishlari uchun konsert dasturi tadbiri o‘tkazildi.

Tadbirga O‘zbekiston Respublikasi DXX qoshidagi Ashula va raqs ansambli hamda taniqli sanʼatkorlar Xurshid Nazarov, O‘tkir Sultanov, Yulduz Abdullayeva, To‘lqin Jabbarovlar tashrif buyurishdi.

Tadbirda Tuproqqalʼa tumani hokimligi, 9203-sonli harbiy qismning 6-, 7-, 8-chegara qo‘shinlar vzvodlari, harbiy xizmatchilari hamda ularning oila aʼzolari, umumiy o‘rta taʼlim maktabi o‘quvchilari ishtirok qilishdi.