03.02.2021

Бугун туман ҳокими Алишер Салаев томонидан Ўзбекистон Республикаси Президентининг Тупроққалъа туманидаги Халқ қабулхонасида фуқаролар қабули ўтказилди. 

Унда фуқаролардан тушган мурожаатларни жойида ўрганиш ва ҳал этилишини таъминлаш мақсадида тегишли корхона, ташкилот, муассасаларнинг раҳбарлари иштирок этдилар.  

Қабулда мурожаатчиларга қулайлик яратиш мақсадида ҳар бир фуқаро билан якка тартибда суҳбат ўтказилиб уларнинг мурожаатлари ўрганилди. Фуқаролардан асосан, уй-жой билан таминлаш, ишсизлик, уй-жойга эгалик ҳуқуқини берувчи ҳужжатларни расмийлаштириш ва кредит олиш масалалари борасидаги муаммолар бўйича мурожаат қабул қилинди.

Ўрганишлар давомида бир қатор мурожаатларни жойида ҳал этиш чоралари кўрилди ва қолганларини белгиланган муддатларда назорат остида бажарилишини таъминлаш бўйича мутасадди раҳбарларга топшириқлар берилди.

Тупроққалъа тумани ҳокимлиги ахборот хизмати