18.10.2022

Бугун 18 октябрь куни Халқ депутатлари Тупроққалъа тумани Кенгашининг навбатдаги 64-сессияси бўлиб ўтди.

Сессияга Кенгаш раиси, туман ҳокими Алишер Салаев раислик қилди.

Сессияда қуйидаги масалалар кўриб чиқилди:

1. Тупроққалъа тумани секторларида 2022 йил 9 ойи давомида “Темир дафтар”, “Аёллар дафтари”, “Ёшлар дафтари” асосида амалга оширилган ишлар юзасидан сектор раҳбарларининг ҳисоботи тўғрисида.

2. Ўзбекистон Республикаси Президентининг Тупроққалъа туманидаги Халқ қабулхонаси мудири У.Ўразбаевнинг “Туман сектор раҳбарлари ва ташкилотларнинг 2022 йил 9 ойи давомида мурожаатлар билан ишлаш фаолияти юзасидан 2022 йил III чораги давомида амалга оширилган ишлар тўғрисида”ги ахбороти .

3. Маҳаллаларда тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича келиб тушган мурожаатлар таҳлили ва ҳоким ёрдамчилари фаолиятининг натижадорлигини ўрганиш юзасидан Ўзбекистон Республикаси Президентининг Тупроққалъа туман Халқ қабулхонаси мудирининг ахбороти тўғрисида.

4. Тупроққалъа тумани Давлат солиқ инспексияси бошлиғи И.Султоновнинг 2022 йил 9 ой давомида белгиланган устувор вазифаларни амалга ошириш тўғрисидаги ҳисоботи тўғрисида.

5 Тупроққалъа тумани Ички ишлар бўлими бошлиғи ўринбосари –жамоат хавфсизлиги хизмати бошлиғи капитан Ғофуров Хурсанд Комиловичнинг 2022-йил 9 ой давомида амалга оширилган профилактик ишлари тўғрисида”ги ҳисоботи.

6. Тупроққалъа туман Тиббиёт бирлашмаси бошлиғи А.А.Дусчановнинг туман аҳолисига тиббий хизмат кўрсатиш бўйича Тупроққалъа туман Тиббиёт бирлашмасида 2022 йил 9 ой мобайнида амалга оширилган ишлар, мавжуд муаммолар ва уларни бартараф қилиш чора-тадбирлари ҳамда кейинги фаолият режалари тўғрисидаги ҳисоботи тўғрисида.

7. Тупроққалъа туманидаги фермер хўжаликлари Ер масалаларни кўриб чиқиш бўйича туман комиссиясининг чорва фермер хўжаликлари томонидан ортиқча фойдаланиб келаётган ер майдонларини, давлат захира фондига қайтариб олиш юзасидан иқтисодий судга даъво аризаси киритишга рухсат бериш тўғрисидаги ёзишмаси ҳақида.

8. “Темир дафтар”да рўйхатда турган тиббий ёрдам ҳамда ижтимоий ҳимояга муҳтож оилаларга “Саховат ва кўмак” жамғармаси ҳисобидан даъволаниш ва моддий таъминлаш учун маблағ ажратиш тўғрисида.

9. Тупроққалъа тумани 1-сектор ҳудудидаги “Тупроққалъа маскани” маҳалласида рўйхатда турувчи якка ёлғиз Абдуллаев Станислав Рахимович ҳамда 2-сектор ҳудудидаги “Йўлдош Охунбобоев” маҳалласида яшовчи фуқаро Шерниязова Гулора Абдиримовнанинг оиласини “Темир дафтар”дан чиқариш тўғрисида.

10. Тупроққалъа туман Адлия бўлими томонидан тумандаги давлат органлари ва ташкилотларининг норма ижодёкорлиги ҳамда ҳуқуқни қўллаш амалиёти ҳолати бўйича 2022 йил III чораги давомида амалга оширилган ишлар юзасидан ахбороти тўғрисида.

11. Тупроққалъа тумани маҳаллий бюджетининг 2022 йил 3-чорак ижроси тўғрисида.

12. Халқ депутатлари тупроққалъа туман кенгашининг 2021 йил 7 майдаги 36/6-2-сонли қарори билан тасдиқланган Низомга ўзгартириш киритиш тўғрисида.

13. Тупроққалъа туман Аҳоли бандлигига кўмаклашиш маркази директори Қ.Якубовнинг ҳудудларда янги иш ўринлари яратиш ишлари бўйича 2022 йил 9 ойлик ҳисоботи тўғрисида.