22.08.2022

 

Бугун 22 август куни Халқ депутатлари Тупроққалъа тумани Кенгашининг навбатдан ташқари 62-сессияси бўлиб ўтди.

Сессияга Кенгаш раиси, туман ҳокими Алишер Салаев раислик қилди.

 

Сессияда қуйидаги масалалар кўриб чиқилди:

1. Кўп квартирали уйларда истиқомат қилувчи “Ижтимоий ҳимоя ягона реестри”да рўйхатда турувчи “Темир дафтар”га киритилган оилаларнинг уй-жой мулкдорлари ширкатидан бўлган қарздорликни қоплаш учун субсидия ажратиш тўғрисида.

2. Тумандаги “Темир дафтар”га киритилган оилалар фарзандлари учун мактаб формасини сотиб олиш учун “Саҳоват ва кўмак” жамғрмасидан маблағ ажратиш тўғрисида.

3. Тупроққалъа туман Халқ таълими бўлимига қарашли 1 ва 6-сонли айрим фанлар чуқур ўрганиладиган ихтисослаштирилган мактабларига директор лавозимига номзод тақдим қилиш тўғрисида.

4. Тупроққалъа туманидаги номсиз кўчаларни номлаш тўғрисида.

5. Халқ депутатлари Тупроққалъа туман Кенгаши депутати Ибрагимова Роза Нематовнанинг ваколатини муддатидан олдин тугатиш тўғрисида.

6. Халқ депутатлари Тупроққалъа тумани Кенгашининг бўшаб қолган депутатлик ўрнига сайлов ўтказиш тўғрисида.

7. “127 км узунликдаги 500 кВли Саримой (Хоразм вилояти) – Жонкелди (Бухоро вилояти) юқори кучланишли электр узатиш тармоғини қуриш” инвестицион лойиҳаси концепциясини тасдиқлаш тўғрисида.

8. Вилоят Халқ таълими бошқармасининг 2-сонли умумтаълим мактаби директори лавозимига Одинаева Озода Рустамовнани кўчириб ўтказиш тўғрисида.

Шунингдек, айрим кам таъминланган ва эхтиёжманд оилаларни "Темир дафтар"га киритиш ва ёрдам кўрсатилган оилаларни темир дафтардан чиқариш масалалари кўриб чиқилди.

 

Сессияда 6-сонли айрим фанлар чуқур ўрганиладиган ихтисослаштирилган мактабга директор лавозимига номзод тақдим этиш ҳамда 2-сонли умумтаълим мактаби директори лавозимига Одинаева Озода Рустамовнани кўчириб ўтказиш масалалари номзодлар сони етарли бўлмаганлиги сабабли рад этилди.

Сессия кун тартибидаги масалалар юзасидан билдирилган таклифлар инобатга олиниб тегишли қарорлар қабул қилинди.