15.06.2023

2022-2023-o‘quv yilida namunali xulqi va bilimdonligi bilan boshqa o‘quvchilardan ajralib turgan o‘g‘il-qizlardan 46 nafari oltin va 19 nafari kumush medallarga sazovor deb topildi.

Tuman hokimi Shuxrat Axmedov bitiruvchilarni katta hayotga qadam qo‘yganlari bilan muborakbod etib, ularga oltin va kumush medallarni taqdim etdi, ota-onalariga barkamol farzand tarbiyalayotganlari uchun tashakkurnomalar topshirdi.

Shuningdek, bitiruvchilarning 33 nafari milliy va xorijiy sertifikatlarni qo‘lga kiritib, muddatidan oldin oliy taʼlim muassasalari talabalari bo‘lishgani alohida eʼtirof etildi.