Amudaryoning qirg‘oq himoya dambalari mustahkamlanadi

Vazirlar Mahkamasi “Xorazm viloyati hududidan oqib o‘tgan Amudaryo daryosining qirgoq himoya dambalari va inshootlarini sel-toshqin suvlaridan himoya qilish ishlarini tashkil etish chora-tadbirlari to‘g‘risida”  qabul qildi.

Unga ko‘ra, Amudaryoning qirgoq himoya dambalari va inshootlarini sel-toshqin suvlaridan himoya qilish uchun “Xorazm” milliy tabiat bog‘ining rekreatsiya zonasi hududidagi “Tangriko‘l” karerining 14-uchastkasida joylashgan 19 gektar yer maydonidagi xarsang toshlardan foydalaniladi.

Hudud belgilangan tartibda zaxiraga olinadi va Amudaryo Chapqirg‘oq himoya dambalari boshqarmasiga doimiy foydalanish huquqi asosida ajratib beriladi.

- O‘zbekiston Respublikasi Suv xo‘jaligi vazirligi karerdan qonunchilik hujjatlariga muvofiq foydalanishni;
- atrof-muhitga ta’sirini baholash loyihalari ishlab chiqilishini va belgilangan tartibda davlat ekologik ekspertizasidan o‘tkazilishini;
- favqulodda holatlardagina Amudaryo daryosining qirg‘oqbo‘yi zonasini mustahkamlash maqsadida foydalanishni;
- foydalanish natijasida buzilgan yerlarni rekultivatsiya qilish ishlari amalga oshirilishini;
- noruda foydali qazilmalar qayta ishlangan va sotilgan hollarda, yer qa’ridan foydalanganlik uchun belgilangan tartibda soliqlar to‘lanilishini ta’minlaydi.

O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi ajratiladigan yer maydonidan foydalanish davrida atrof-muhit muhofazasiga oid qonunchilik hujjatlari talablariga qat’iy rioya etilishi va buzilgan yerlar rekultivatsiya qilinishi ustidan nazorat o‘rnatadi.