13.10.2022

O‘zbekiston Respublikasi Oliy Majlis Senati Kengashining 2022 yil 28 sentyabridagi KQ-410-IV-sonli Qaroriga asosan hududlarda reproduktiv salomatlikni saqlash, onalik va bolalikni muhofaza qilish bo‘yicha amalga oshirilayotgan ishlar holatini o‘rganish maqsadida Oliy Majlis Senatining Fan, taʼlim va sog‘liqni saqlash masalalari qo‘mitasi raisi Odiljon Iminov Tuproqqalʼa tumanida bo‘ldi.

Dastlab senat qo‘mita raisi tuman tibbiyot birlashmasiga qarashli "Mahalla tibbiyot punkti"da bo‘lib, tibbiyot punkti faoliyati, aholi uchun yaratilgan sharoitlar bilan tanishib, amalga oshirilayotgan ishlarni ko‘zdan kechirdi

Shundan so‘ng, tug‘ruqxona bo‘limida onalik va bolalikni muhofaza qilish bo‘yicha bo‘lim faoliyati, ona-bola uchun yaratilgan sharoitlarni o‘rgandi.

O‘rganish davomida qo‘mita raisi shifokorlarning tizimni yaxshilash borasida fikrlarini tingladi va bu takliflarni yuqori tashkilotlarda ko‘rib chiqilishini bildirdi.